المساعد الشخصي الرقمي

مشاهدة النسخة كاملة : حفل التخرّج 2010



رغَـــد
10-13-2010, 08:50 PM
نقلاً عن elceng ..
حفل تخرج 2010 ..



حفل التخرج 2010




السلام عليكم ورحمة الله


نقلاً عن الهيئة الإدارية، علمت أن حفل التخريج سيتم ضمن الحرم الجامعي بسبب صدور قرار
من رئيس الجامعة يمنع إقامة حفلات التخرج خارج الحرم..


على الطلاب الراغبين بالتسجيل:
1- تسليم صور شخصية عادية لمسؤول الحفلة، في مكتب الهيئة الإدارية في الكلية.
2- رفع صورة رقمية على الانترنت مرفقة بالاسم الشخصي والقسم وإرسالها إلى info@elceng.net (info@elceng.net) لتسريع تصميم لوحة التخرج.


لأي استفسارات عن موعد الحفلة أو أي معلومات أخرى الرجاء التواصل مع مسؤول المكتب الإداري الزميل:
مصطفى عيد، رقم الموبايل: 0999150994

نور الزين
10-15-2010, 05:18 PM
نقلاً عن الهيئة الإدارية، علمت أن حفل التخريج سيتم ضمن الحرم الجامعي بسبب صدور قرار
من رئيس الجامعة يمنع إقامة حفلات التخرج خارج الحرم..

دبرولنا استثناء........يعني مو ضروري اذا طلع قانون يكون مافي استثناءات......شوفو الطب من فترة عملو حفلة التخرج بالقلعة...؟؟؟..!!...ياترى هالقرار كان طالع ...او في طالب من بين المتخرجين واصل او ابن شي حدا......!!!..

لا حدا يقولي اعمل اتصالاتي....لأن مافي معي وحدات هلأ.......لذلك دبروا حدا غيري..........يعني معقول مافي طالب من ال 7 أقسام ابن شئ مسؤول...!!؟.....لعما لهون النحس مرافقنا...!!؟؟..
...
....
....
اذا هيك......... نراكم بساحة الكلية بحفل التخرج.......وندعو الله الا تكون السماء ملبّدة بالغيوم والجو ماطر......

...
..

نور الزين
10-18-2010, 08:38 PM
اليوم قرأت هالاعلان بموقع (elceng)....


..

السلام عليكم ورحمة الله

هذا هو الموضوع الثاني عن حفل التخرج، الاحتمال الأكبر أن الحفل سيكون في مدرج كلية الهندسة الميكانيكية
أما الموعد فلم يحدد بعد، والشركة الراعية هي نفسها راعية الحفل الماضي Syria Group..
الحفل حالياً بانتظار الموافقة الرسمية من رئاسة الجامعة..

آخر موعد لتسليم الصور الرقمية لأجل لوحة التخرج هو 25/10/2010
(وبالإمكان إرسالها على بريد الموقع ( info@elceng.net ))

آخر موعد للتسجيل على الحفل نهاية الشهر الحالي ..
(التسجيل ودفع الرسوم لدى مكتب الهيئة الإدارية في الكلية)

بخصوص بعض التساؤلات عن سبب إقامة الحفل داخل الحرم الجامعي
فأنا وضحت بالموضوع السابق انو السبب كان قرار من رئيس الجامعة
أما الكليات يلي عملوا الحفلة برا الحرم متل (البشري والأسنان)
فعلى كلام الهيئة الإدارية انو هدول عملوها قبل القرار،
وانو صدور هالقرار من رئيس الجامعة كان بسبب عدة مشاكل صارت بحفلة الطب..
والله أعلم ...

(جميع المعلومات نقلاً عن مسؤول الحفل في الهيئة الإدارية)

....
....
حدا بيعرف مدرج كلية الميكانيك....؟؟؟!!!..

أنا بذكر مرة حضرت حفل بمدرج الميكانيك....وكان المدرج صغير نوعاً ما بالنسبة لحفل تخرج....بتوقع تلوص الشغلة كتير....مارح تتحمل حضور كل الاقسام.....

اذا صار الحفل لكل قسم على حدا بصير احسن....على كل حال بكرا منحضر الحفل ومنشوف....ويارب يخيب ظني....
....

رغَـــد
10-22-2010, 01:50 PM
نقلا عن elceng
تم تحديد مكان و موعد حفل التخرّج ..




نقلاً عن الهيئة الإدارية

موعد الحفل: الأربعاء 3/11/2010
المكان: مدرج كلية الميكانيك...

رغَـــد
10-22-2010, 02:22 PM
2975

2971

2974

2972

2973

................................................
................................................

نور الزين
10-23-2010, 10:21 PM
بالاخير بقي الحفل بالميكانيك...؟؟!!!...
...
ان شاء الله خير......
....
.......
معناها الكل هلأ يحضّر حالو منيح.....لأن لازم يكون حفل مميّر ......ياجماعة المكان قد يكون مو كتير منيح...بس المهم الناس يلي فيو و الخريجين والمهندسين......يعني باختصار دفعة الحاسبات 2010......

يعني لازم بعد 10 أو 20 سنة .......برنامج حدث في مثل هذا اليوم (3/11) من عام 2010 ....حفل تخرج دفعة الحاسبات 2010....
.....
فهمتو علي.......بدي الكل حيوية......نراكم.....
.......
...
الله يوفق الجميع....

nemooo
10-24-2010, 10:10 AM
بدي أحضررررررررر .'-( ....
يارب يكون حفل حلو ومميز ... كتير كنت بتمنى اكون معكم ..

موفقين ياااارب

محمد نور
10-24-2010, 01:04 PM
المدرج ما اشبه شي , مقبول يعني

بس المشكلة بالعدد يعني هالخلق وين رح تسع ؟ في أهالي و الا ما في ؟؟؟؟؟؟؟؟؟

يا سيدي هاي آخر ذكرى الكون مع بعض , اشتفيدوا منها لانه مستحيل بيوم تاني تتكرر

بالتوفيق

رغَـــد
10-24-2010, 07:20 PM
حفل تخرج 2010 ..
في مدرّج الميكانيك ..

الأربعاء 3-11-2010 ... الساعة الرابعة مساءً ..

2979

نور الزين
10-25-2010, 07:51 PM
السلام عليكم.....

اقتراح جديد بدنا تجاوب وهمّة من الجميع......

اليوم كنت عم أحكي مع الشباب ووصلنا لأن نعمل حفلة تخرج للحاسبات بعد الحفل الجماعي بكم يوم بشي صالة كبيرة ....شهبا روز مثلاً....

يعني الحفل رح يكون فيو الدعوة عامة (لأن متل ما بتعرفو الحفل تبع الميكانيك بس بطاقتين دعوة).....

المهم.......بدنا تصويت من الكل.......من الكل......

الحفل تبع الميكانيك مالو علاقة بالحفل تبعنا يعني رح نحضر أول شئ الحفل الجماعي.....وبعد كم يوم منعمل الحفل الحاسباتي ومنقوم بالتنسيق قدر الامكان من ناحية الاجهزة الصوتية والصالة ...الخ.....

ياجماعة اذا حسبتوا الكلفة منيح مارح تطلع التكلفة كبيرة ابداً يعني بحوالي 500-1000 ليرة ممكن يصير في كاتو وضيافة ......

انا بذكر آجار صالة شهبا روز (نفرتيتي) التي تتسع ل 400 شخص بحدود 40 ألف للوقت المسائي يعني وقت الاعراس وفي خصم للمهندسين وفي كاتو ومن هالحكي........قولوا المهندس موجود بيبقى المصاري.......:)...كمان في قاعة الشرق بشهباروز بتتسع ل 800 شخص بس مابعرف قديش اجارا....بس بتوقع اذا اخدناها بالفترة الصباحية بكون بنص القيمة......أو اي صالة تانية مافي مشكلة.......

وبالنسبة للباس بتوقع منلحق قبل ما نسلم اللباس نعمل حفل الحاسبات يعني بصير الحفل باللباس الرسمي (لباس التخرج).....
.....
....
بتمنى نسمع الاراء من الكل لأن بتوقع هي اخر مرة رح نجتمع فيا ....فيا ريت تكون مميزة.....

واذا حدا عندو اقتراح مافي مانع........يعني في اقتراح سمعتو عن دمج حفل الحاسبات والاتصالات وهيك بصير الكلفة للنص والحضور اكبر......
....
...
مابدي أحكي أكتر......بدي اشوف ردود الافعال ...لنعرف نشتغل .......

حركولنا الموضوع......

بالتوفيق....

the love's knight
10-25-2010, 10:58 PM
السلام عليكم ....
نور عاشت ايدك ابو شريك وفعلا ً هدا اللي لازم يصير انا بالنسبة الي وبالنسبة لمازرلي جاهزين جدا , بس لازم ماتتاخر كتير عن حفلة الميكانيك مشان في كتير شباب وصبايا رح يجوا من السفر خصوصي مشان الحفلة ومابيقدروا يطولوا كتير وره حفلة الميكانيك

dai
10-26-2010, 12:03 AM
روحنا أبو النور أنا جاهز و موافق على هذا الحفل

في شغلة تانية يا شباب الحاسبات وصباياها بدنا من واحد منكن شو في عندنا صور جماعية

لدفعتنا ياخدون على الهيئة الإدارية

لأنو في فلم بدو ينعرض عن الدفعات لكافة الأقسام وأنا ما شفت ولا صورة لدفعتنا

وحكيت مع مصطفى و قلتلو بكرا إنشاء الله منأمنلو صور:sm244:

reemzreeq
10-26-2010, 11:00 AM
إي عن جد فكرة كتير حلوة :glad:
بالقليلة بتحضر العائلة الحفلة لانو على وضع الحفلة بالميكانيك بس الأهل راح يحضروا
انشاء الله تصير هالحفلة وتحضر كل الدفعة
ومشان الصور الجماعية أنا راح شوف شو في عندي واعطيها للهيئة

Nour.A
10-26-2010, 04:34 PM
حلوة الفكرة
علوا الكل يعطوا رأين

نور الزين
10-26-2010, 06:05 PM
السلام عليكم....

بس أربع ردود ....؟؟!!....قلت بدنا حركة.....ياجماعة ماعاد في وقت كتير.......

....
.........

اليوم رحت أنا والشباب على شهبا روز وحكينا مع المسؤول مشان حجز الصالة.....

أتوقع اذا كان العدد منيح رح ناخد صالة الشرق ......(العدد المنيح يعني خمسين خريج وما فوق).....اذا ما اكتمل العدد رح نعمل الحفلة للحاسبات والاتصالات....لأن الصالة كبيرة وبتسع عدد منيح من الحضور.......

وصورنا كم صورة للصالتين (بجنب العريس..:)).......الفرق الكبير بين الصالتين هو الاعمدة .....الشرق لا يوجد بها أعمدة على عكس نفرتيتي....

صور صالة الشرق هي......(الاغطية البيض غير متضمنين في الصالة )......


http://www.alhasebat.net/vb/attachment.php?attachmentid=2985&stc=1&thumb=1&d=1288109122 (http://www.alhasebat.net/vb/attachment.php?attachmentid=2985&d=1288109122)

http://www.alhasebat.net/vb/attachment.php?attachmentid=2986&stc=1&thumb=1&d=1288109122 (http://www.alhasebat.net/vb/attachment.php?attachmentid=2986&d=1288109122)

http://www.alhasebat.net/vb/attachment.php?attachmentid=2987&stc=1&thumb=1&d=1288109122 (http://www.alhasebat.net/vb/attachment.php?attachmentid=2987&d=1288109122)




صور لصالة نفرتيتي.....


http://www.alhasebat.net/vb/attachment.php?attachmentid=2988&stc=1&thumb=1&d=1288109122 (http://www.alhasebat.net/vb/attachment.php?attachmentid=2988&d=1288109122)

http://www.alhasebat.net/vb/attachment.php?attachmentid=2989&stc=1&thumb=1&d=1288109122 (http://www.alhasebat.net/vb/attachment.php?attachmentid=2989&d=1288109122)



المهم في شغلة صغيرة كتير .......قال مسؤول الصالة بدو موافقة من شئ حدا بخصوص الحفلة ..... يعني الحفلة ليش انعملت وموافقة على هالشئ....أتوقع الامر سهل.......اذا اعتبرنا أن الحفل هو أب عم يحتفل بابنو على نجاحو وعملّو حفلة في الصالة وعزم الدفعة كلها........هي الشغلة أتوقع بتدبّر.....

بس المهم هلأ عدد المشتركين......

الصالة متاحة في الايام التالية:

قبل الحفل الجماعي في:.......1/11.........2/11..........3/11......

بعد الحفل الجماعي في:.....8/11........9/11..........10/11..........

يعني قبل وبعد الحفلة الجماعية......

تناقلو الاخبار وردولنا جواب لنحجز ونبدأ الترتيبات التالية......
....

مابعرف ليش حاسس حالي منسّق أعراس...؟؟!!..
...

reemzreeq
10-26-2010, 08:15 PM
أنا برأي صالة نفرتيتي مناسبة والتكلفة مناسبة كمان
ياريت تكون قريبة من حفلة تخرجنا وهيك حسب إتاحة الصالة مافي عنا غير 1/11 و 2/11
بس 2/11 أنسب لحتى نكون مستلمين اللباس
أما بعد الحفل الجماعي فما بتوقع راح يكون في عدد لأنو يلي كان جاي من السفر راح يرجع
واللباس راح نسلمو
فشو رأيكون؟؟ وين الشعب؟؟

مهنّد
10-26-2010, 08:20 PM
فكرة الصالة كتييير حلوة ، وفي كتير مغريات لعمل الحفلة بالصالة سواء من ناحية السعر والموقع وعدد المدعويين ..
وبركي كمان منحسن نأمّن DJ (حتى إذا بدكون بزبطلكون الأغاني على ذوقي :gr_916:)..
المهم نأمّن عدد منيح بسرعة...
بالنسبة للموافقة الأمنية بركي بكرا منسأل عنها...

بانتظار مشاركاتكم ..

the love's knight
10-26-2010, 09:34 PM
انا رأيي من رأي ريم انه لازم تكون الحفلة قبل حفلة الميكانيك مشان اللي جايين من السفر ومشان اللباس وافضل تكون 2-11 , وبكل الاحوال انا بكرة رح انزل ع الكلية ورح شوف جماعة الالكترون ازا بيحبوا ينضموا النا . ومن ناحية الـ dj فضروري جدا يكون في dj

ولاء
10-26-2010, 11:29 PM
السلام عليكم
الله يعطيك العافية نور عنجد الفكرة كتير حلوة و ياريت تمشي الأمور متل مابدنا و تكون حفلة تخرج رائعة و ماننساها عطول العمر...

عبد الفتاح
10-27-2010, 03:40 PM
السلام عليكم ..

شو هالأفكار الجميلة نور ؟؟
أنا معكن ان شاء الله .. وبقترح تكون حفلة للحاسبات وقسم آخر ...

Eris
10-27-2010, 10:27 PM
مرحبا
انا موافقة عالحفلة بأي صالة تحددوا وشكرا.....

hiba
10-28-2010, 10:40 PM
السلام عليكم ورحمة الله وبركاته
الله يعطيكن العافية .. الفكرة حلوة .. انا معكن ان شاء الله
موفقين

نظمي قدورة
10-29-2010, 06:33 AM
السلام عليكم
أنا موافق لو أنّ بفضل أن الحفل يكون بقلعة حلب .
لأنّ قلعة حلب هي رمز للمدينة التي تخرجنا من جامعتها .

hassan alhamwi
10-29-2010, 02:29 PM
مرحبا بالجميع , أنا معكم بفكرة الحفلة بالصالة ( كم مرة بدنا نتخرج)

walato
10-30-2010, 10:48 PM
و أنا معكم بفكرة الحفلة بالصالة مع مطرب بلاه ما بمشي الحال

مهنّد
10-30-2010, 11:15 PM
مرحباً
عدد الراغبين بعمل الحفلة في صالة لسا كتير قليل وموعد الحفلة قرّب..
وإذا العدد ضل هيك مارح نحسن نعمل الحفلة بالصالة أبداً...
بتمنى من كل مين بدو تصير الحفلة بالصالة يكتب مشاركة هون مشان نحسن نحدد عدد المشتركين.

نور الزين
10-31-2010, 12:32 AM
السلام عليكم.....

الحقيقة وكما ذكر صديقي مهنّد قبل قليل.......عدد المشاركين لم يتجاوز العشرين خريج.......وهذا العدد صغير نسبياً ....اذ لا يمكن بهذا العدد حتى حجز الصالة.....

....
لا أريد التشاؤم أو استباق الامور......ولن أتوقع ضمور وفشل الفكرة......سأحاول تجديد أملي.....

الاوضاع تزداد سوء بعد كل يوم تأخير......

شخصياً ....... في الأيام القليلة التي تلي الحفل من المحتمل أن أكون خارج الخدمة وعندها لن تسمعو صوتي لفترة غير قريبة وقد تكون طويلة..........و أتوقع هذا حال الكثير من الشباب فكل لديه عمله داخل أو خارج البلاد.......

قد سمعت الكثير من الملاحظات حول تنسيق الحفل وما يترتب عليه من مجهود وخبرة لم نعشها بعد......

ربما هذه هي الحقيقة...... ولكن بقليل من التخطيط واعتماد البساطة ستعطي الحفل نكهة مميزة مختلفة.....
....
..
..
هل فكّر أي شخص في أن يُلقي كلمته أمام جمهوره والحاضرين بحروف نابعة من قلبه وتلخّص السنين التي عاشها على مقاعد هذه الكلية......

هل فكّر أحد منكم أن يقول أمام الملأ جميعهم ......شكراً لكم .... أبي و أمي......

هل جال ببالكم يوماً أن الوقت والمنبر متاحين أمام الحضور ....... من أب.......من أم.......من مُحب أراد أن يُعبرّ ....أن يشكر .........أو حتى أن يبكي ......

ربما هي كلمات ولكن صدى هذه الكلمات ستبقى دائماً بالقلب......اتمنى أن نسمع ذلك الصدى في الحفل الجماعي قريباً ....
....
الى ذلك الحين أتمنى للجميع أيام ملؤها الخير والصحة والتوفيق....
.....
.......
وكل عام وأنتم بخير......

السنونو
10-31-2010, 01:13 AM
لك خيو صالة نفرتيتي صالة أبو أمون رع المهم زبطو:hehe:
ومن ناحية المصاري انشاء الله يكون معي كم ألف فراطة:94:
هيك كل شب يزبطلي حالو :frizzy: وخليني أفرح بتخرجكون
كل شي شفاف متلي ياكل كويس :lunch:
وكل شي صحة يعمل شوي :sheepjump:
وموفقين:zzz:

نور الزين
11-04-2010, 12:09 AM
السلام عليكم ........

كيف حال معشر المهندسين.....كيف الحفلة اليوم...؟؟!.....ماشي حالها ما.؟!!......صحيح كان بدا شوية تنظيم ........بس الحمد لله المدرّج استوعب كل الموجودين......

......
...
المهم......

أنا برأيي قبل تسليم اللباس.......خلينا يوم الاحد الساعة 12 نجتمع بالكلية بلباس التخرج قبل ما نسلمو.......مشان ناخد كم صورة ....لأن اتصور ما عاد في حفلة تانية......لذلك كل شخص\ة يرجع يلبسلي طقمو ويسرح شعراتو......ويتفضل لناخد الصور التذكارية الاخيرة......لأن يمكن بعد هاليوم ما عاد نشوف بعض.....

......
...
نراكم الاحد بـ 12......
..

رغَـــد
11-04-2010, 02:01 AM
خلوا الموعد بعد ال 2 مشان الكل يقدر يجي ..
اذا حدا مرتبط بشغل الصبح بكون خلّص ..

وحفل التخرج فااااشل ... من كل النواحي ..
يلي حضر السنة الماضية بيغرف كيف كان الحفل ..

لسه نحن الحاسبات أهلنا رضيانين علينا .. وطلعنا وشافونا أهلنا ..

أربع أقسام الباقية .. ما تكرّموا ولا إنزاعوا أسماءهم ..

بس الحمدلله كان في شي اسمه حفل تخرج ..


ومع ذلك .. ما مننسى نقول ..

مبروووك للجميع .. التخرج ..
وعقبال كل واحد يحقق النجاح بالطريق يلي اختاره ...

كنّا منتمنى تكون الحفلة حلوة .. لأنو هي اخر جمعة للدفعة ..
لكن الحمدلله على كل حال ..

بالتوفيــــــــــق ...
ومبروووك مرة تانية ..

m.kharma
11-04-2010, 02:05 AM
الف مبروك لكم في التخرج يا شباب ..

وبالنسبة للحفلة .. يعني عيب اللي صار .. أول ملاحظة عليها انو هي حفلة تخريج كلية الكهربا . ولا حفلة تخريج " مصطفى عيد" يعني من اول الحفل بالرعاية كان موجود وبالصور اللي بالكلية تقريبا 60 بالمية من الصور إلو وبالتكريم وتوزيع الدرعوة التذكارية طلع 3 مرات ..؟!؟؟! مرة كرّم رئيس الجامعة ومرة تكرم بالنيابة عن حدا ومرة أخيرة كرموه بأسمو ..

أما النقطة التانية موضوع اللباس .. من المعيب انو يشلحوا الطلاب لباسهم في المدرج منشان يسلموه ويرجعوا رفقاتهم اللي ناطرين برا يلبسوه ويرجعوا يدخلوا فيو ؟؟!؟؟!؟! ما بتصور صارت قبل ؟

لكن بتضلوا انتو اللي حليتو الحفلة وبتبقوا نكهتها .. بالفعل طلاب حاسبات متميزين عن البقية بأكابريتهم وتقلهم وجمعتهم الحلوة .. لكم مني اطيب الأماني بالتوفيق ..

نظمي قدورة
11-04-2010, 05:41 AM
ألف مبروك .
وبالنسبة لحفل التخرج كان حفل تخرج غير نظامي وفاشل بالدرجة الأولى وكأن اللجنة المنظمة ما شايف حفل تخرج بحياة .
يعني لو كان ولد نظم الحفل كان طلع معو أحسن من هيك .

YOUSSEF HAICAL
11-04-2010, 09:35 AM
كانت حفلة فاشلة

واحد على أساس يحتفل و يفرح طلع راح يتفرج على حفلة لجماعة الهيئة الادارية و لمصطفى عيد و مجد محسن و لقسم القيادة و لقسم الحاسبات

كانت مهزلة كبيرة أنو قسم القدرة و الاتصالات و بالأخص القدرة القسم الذي تم اهماله على شاشة العرض في بداية الحفل و ليتواصل هذا الاهمال الغير مبرر عندما صعدت جميع الاقسام عدا قسمي القدرة و الاتصالات

أيضا أعضاء الهيئة الادارية اذا كنتم في خلافات مع زكي العمر الشخص الذي من وجهة نظري محترم و أكابر و الذي لم يحضر و لو كنت بعرف هيك الحفل رح يصير كانت ما جيت بس يا ريت حاكي مع زكي قبل ما أجي

أنقل احتجاج قسم القدرة بكامله على الجفاوة بسبب خلافاتكم الشخصية

كان سوء التنظيم واضح جداً

halhoul
11-04-2010, 09:37 AM
ألف مبروووك التخرج


و مهما كانت حفلة التخرج .. اكيد انتو حليتو الحفلة بجمعتكن الحلوة


وبتضلو انتو دفعة حاسبات مميزة عن غيركن :123wink:


وهادا مو بس كلامي .. كلام معظم الطلاب والدكاترة


وياريت باقي الدفعات تقدر تحقق ولو جزء صغير من التعاون الحلو يلي كان بيناتكن :p

YOUSSEF HAICAL
11-04-2010, 09:46 AM
لو بعرف بدا تصير حفلة التخرج بهذه الطريقة السخيفة و تكون ل مصطفى عيد و جماعة الهيئة كان قسم القدرة كلو ما أجا عل الحفلة

عيب أنو قسم القدرة يهمل في البداية بمقطع الفيديو و بالنهاية عندما لم يسمحوا لطلاب القدرة ان يزاع اسماءهم و يسلمو على عميد كليتهم و أمام أهلهم الذين صدموا بهذا المشهد الذي يعبر عن أنانية كبيرة

شو يعني مصطفى عيد يهني أبوه و أمه و عندو مايك خاص و حط قسموا أول الشي
و كمان قسم الحاسبات لا ترضوا حالكن أنو طلعتوا لأني كمان أنصكن ما طلع و النص التاني طلع

عيب هي مو حفلة تخرج هي حفلة زفاف لقسم القيادة و لمصطفى عيد

عبد الفتاح
11-04-2010, 12:46 PM
خلوا الموعد بعد ال 2 مشان الكل يقدر يجي ..
اذا حدا مرتبط بشغل الصبح بكون خلّص ..

وحفل التخرج فااااشل ... من كل النواحي ..
يلي حضر السنة الماضية بيعرف كيف كان الحفل ..

ايه يا ريت يكون الموعد الساعة 2 بالضبط ...أو يكون السبت قبل الساعة 3 ..
لأني كل يوم ما عندي غير فرصة ساعة واحد بين 2-3 الظهر ... وباقي الوقت بالشغل ..

وبالنسبة للحفلة ... يلي حكوه الشباب بكفي وبوفي .. من الأول ما كنت بدي اجي عالحفلة ولا اشترك ... لولا الأهل ومعرفتنا انو رح يفرحوا بشوفتنا بهاللباس يمكن ما حدا كان اشترك ..

يالله عكل ... مبروك للجميع ..

زين العابدين السوري
11-04-2010, 07:52 PM
السلام عليكم ..
حفلة تخرج ..؟!!!
ليش إيمت صارت ..؟!!
الذي حصل بالأمس اسمه حفل تخرج ؟؟ :yakha:
بس أنا أخدت هدية ..:boo: و لكـــــــــن .. :what:

برأيي كان حلو لأنو الحاسباتية موجودين ... ما شفتوا شلون الحاسباتية سيطروا ع المسرح وقت بدت الموسيقا أكتر من ساعة ...:lolesh: :ya3en: :brake:

نور الزين
11-05-2010, 12:06 AM
خلوا الموعد بعد ال 2 مشان الكل يقدر يجي ..
اذا حدا مرتبط بشغل الصبح بكون خلّص ..

خلص معناها الاحد بعد الساعة 2 اجتماع للحاسباتية بلباس التخرج.....والحاضر يعلم الغايب.........
....
........

وبالنسبة لحفل التخرج.......

لك ليش الكل مزعوج..؟؟!!......والله أنا طلعت من الحفل مبسوط......يمكن لأن كنت متوقع يصير أسوأ من هيك بكتير.......وبعد ما شفت يلي صار شفتو نعمة كبيرة.....!..!!....

بس بكل الاحوال الحفل كان بحاجة لتنظيم......و ما حدا بيقدر ينكر أن طلاب الحاسبات أخدو كل الميزات...يعني انزاعت الاسامي كلها ......ودخلو الطلاب كلون من أول كم دقيقة بعد فتح الباب......وطبعاً وهي الأهم ......شباب الحاسبات أخدو المسرح كلو بالاخير ورقصو فيو طول الوقت...وباقيالأقسام كانوا طلعو.....حدا لاحظ هالشئ..؟؟....يمكن بالفيديو بكرا ببين.......
...
....
باقي الاقسام عن جد الله يعينون......ادخلو على المنتدى الكلية التاني وشوفو شو عم يحكو عالهيئة والتنظيم....والله كلام ما بينحكى أبداً.....وهلأ المنتدى وقفوه فترة كم يوم بحجّة الصيانة والتطوير (والله أعلم)...؟؟!!..

لعما أنا عند كنت عم شوف الفيديو عن الكلية أول بداية الحفل وكان صرلو فترة شغّال......أتفاجأ في طلاب لسا ما دخلت.....؟؟!!!...وصارو بدخلو بالعتمة......ههههههه......والله شئ بضحك.....أنا ما كنت متصور أبداً لسا في طلاب برا واقفين كل هالوقت.....؟؟!!..

بس منقدر نقول الحفل كان سيئ بالنسبة لباقي الدفعات...وكان أفضل الشئ بالنسبة لدفعتنا......مع اني كنت حابب يصير الحفل لحالنا بصالة ويصير على كيفنا والله كان بصير كتير حلو...بس يالله كلو خير......

وأنا عن نفسي مبسوط لأن شفت كل رفقاتي واجتمعنا سوا مع أهلنا ورقصنا سوا......وعلى فكرة رجعت عالبيت وصوتي رايح.......و لهلأ ما عرفت السبب..؟؟!!.
......

حلا وزين قالو كلمتين كتير حلوين....الحفل بحليه الجمعة الحلوة وأبداً ما كان الحفل الحلو هو الحفل المنظم أو متل يلي الكل بيتخيلو......أكيد التنظيم والترتيب بيلعبو دور بس الأشخاص يلي عم يشاركو فيو الون الدور الاكبر.....
...
.....
نراكم بخير.....

Bayazeed
11-05-2010, 12:24 AM
ليش مالي مشاركة بهالموضوع ؟؟؟؟
أنا بحب أبارك بالاخير هيك أحلى !!
ألف ألف مبروك صبايا وشباب الحاسباتية وأتمنى لكم حياة سعيدة في كافة مجالات الحياة
حاسة حالي عم أكتب موضوع إنشائي !!

اشلون ما كانت الحفلة المهم تكونوا انبسطتو بالاخير ورح يضل يوم مميز لكم سواء كانت الحفلة منظمة أو لا ..
بالتوفيق للجميع ....

nisr-7
11-05-2010, 01:52 AM
ألف مبروك التخرج للجميع
وبشكل خاص لكي صديقتي "ولاء" :ya3en:
ومتل ما قلتو ما كان في تنظيم بالمرة بس كان في بريق واضح
لطلاب الحاسبات
موفقين بالمشوار الجديد بحياتكم وعقبال عنا....

نظمي قدورة
11-05-2010, 09:07 AM
صح أنّ الحاسباتية أخذ القسم الأكبر لكن علينا أن نتعاطف مع باقي الأقسام فالنظرة الأنانية لن تضر إلا صاحبها فيجب على الإنسان أن يلتفت إلى ما حوله ولا ينظر إلى نفسه ومجموعته فقط .

م.علا
11-05-2010, 09:31 AM
ألف ألف مبروك لكل المتخرجين والله شي بيبيض الوش الله يخليكم لأهاليكم .........

وحظ أوفر ل الطلاب يلي ما انزاعو أسمائهم .....الفرحة فرحة تخرج مو فرحة ينزاع اسمي وحفلة ومابعرف شو

بس ياترى من هون لإتخرج أنا ....يعني لأربع سنين ممكن يصير تنظيم الحفل أحسن؟؟؟؟؟؟؟؟؟؟؟؟؟؟

أحمد العطار
11-05-2010, 09:43 AM
السلام عليكم ...

مليون مبروك لطلاب الحاسبات (شباب وصبايا) وعقبال مراد قلبكم كلكم فرداً فرداً

ونشوفكم بأعلى المراتب :ya3en:

والله كتير اشتهينا نشاركم الفرحه كونكم أخواتنا بس بما إنو مافي كروت دعوة ما قدرنا

على مبدأ الي بيروح من غير عزيمة بيقعد من غير قيمة :announce:

على كل حال أهم شي تكونوا انبسطوا وهادا المهم وحسبي الله على من كان السبب

وعقبال تخرجنا نحن وتفرحولنا وتكون حفلتنا احسن من هيك ..:talk:

والسلام ..

Shaghaf
11-05-2010, 10:35 AM
ألف مبرووووووووووك للصبايا والشباب :best:

مع التمنيات بالنجاح في الحياة العملية والمهنية :fly:

fifodido
11-05-2010, 11:12 PM
انشهرتوا
http://www.whatsup-sy.com/student/7239.html

omran.k
11-05-2010, 11:39 PM
ألف مبروك لجميع المتخرجين في هذا العام..وخاصة دفعة الحاسبات , أصدقائي ودفعتي الأساسية
وإلي طبعا" لاتقارن بالدفعات إلي بعدها بنوب..
وبتمنى للجميع الخير وتحقيق ما يطمح إليه فالآن أصبح همكم أكبر مما كان أثناء سنوات الدراسة .
وفقكم الله ويسر أموركم .

عبد الفتاح
11-06-2010, 08:50 PM
ياجماعة ... في صور تصورت لكل خريج بمفرده قدام بوكيه ورد ... حدا بيعرف كيف ممكن الواحد يحصل على صورتوا منهن ؟؟؟

مع مين بدنا نحكي ؟؟؟

رغَـــد
11-06-2010, 09:52 PM
ياجماعة ... في صور تصورت لكل خريج بمفرده قدام بوكيه ورد ... حدا بيعرف كيف ممكن الواحد يحصل على صورتوا منهن ؟؟؟

مع مين بدنا نحكي ؟؟؟


من المفترض بعد فترة .. تجهز dvd حفل التخرج ..
والهيئة تعطي لكل خريج نسخة منه ..

هيك كل سنة بصير ..

نور الزين
11-07-2010, 05:06 PM
السلام عليكم.....

بالنسبة لكل يلي هنونا بقول......

للشباب......ان شاء الله منفرح بتخرجكون .....وبعدا منفرح بروحتكون عالعسكرية ......وبعدين بتسريحكون من العسكرية .....وبعدا بتوظيفكون بوظيفة محترمة.......وبعدا بروحتكون عالحج........وبعدين بعرسكون...:)....

للبنات ........ان شاء الله بتتخرجوا جميعاً بمعدلات عالية....وبعدا....الله يختارلكون كل خير.....
...
........
بالنسبة للتصوير اليوم....

ليش في طلاب ما أجت اليوم عالتصوير..؟؟!!!...اليوم كان مميز ......اتصورنا بلباس التخرج وانشمسنا بين الطلاب وطلعو الصور حلوين.....

بس ياريت كل يلي صوّر يجمع كل الصور ويوزعا عالبقية.......سواء الصور يلي تصورناها اليوم أو صور الحفلة.....


شغلة تانية.......

يتم توزيع شهادات تقدير للطلاب التي من المفترض أن يتم توزيعها بالحفل......على كل من يرغب بالحصول على هذه الشهادة التوجه للهيئة الادارية.....
......
...