المساعد الشخصي الرقمي

مشاهدة النسخة كاملة : موعد الاختبار الوطني للغات الأجنبية



رغَـــد
10-20-2010, 05:07 AM
يحدد موعد الاختبار الوطني للغات الأجنبية بتاريخ 6-11-2010

نقلا من موقع وزارة التعليم العالي (http://www.mhe.gov.sy/new/index.php?page=show&ex=2&dir=bars&lang=1&ser=0&cat=392) ..

لكن لا يوجد اي تفاصيل عن موعد التسجيل ..
اذا حدا سأل بمعهد اللغات .. يحط موعد التسجيل هون ..
للمتخرجين يلي رح يقدموا على التوظيف ..
لانو لحد هل الوقت ما تعمم قرار على الكليات بإلغاء شرط النجاح في امتحان اللغة للتقديم على التوظيف ..

sam313
10-21-2010, 09:31 AM
السلام عليكم
سؤالي بالنسبة لطلاب جامعة حلب هو هل الغي الاختبار
الوطني للغات كما ورد في مواقع عدة ( سيريا نيوز - سيريا بوست - .... )
إن كان الجواب انه الغي يرجى إبلاغ جامعة حلب بشكل رسمي لقبول طلبات توظيف الطلاب
و إن كان جوابكم انه لم يلغى فهل من الممكن تقديم طلب التوظيف ثم إلحاقه بورقة
اختبار وطني للغات ريثما يتم تعيينه
علما أن آخر وقت لتقديم طلبات التوظيف للمهندسين هو 10-11-2010
بارك الله جهودكم
شكرا لكم
مواطن عربي سوري

الجواب 1

لم يلغى الاختبار الوطني للغات و لكن صدر تعميم للجامعات من الوزارة
تأخير مواعيد تقديم استمارات التعيين لحين صدور مواعيد الاختبار الوطني للغات و مهارات الحاسوب


الجواب 2
السلام عليكم:
تم تحويل سؤالك إلى المديرية المختصة لتتم الإجابة عليه بشكل واضح وحاليا يمكنك فتح الرابط التالي:


http://mhe.gov.sy/new/index.php?page=show&ex=2&dir=bars&lang=1&cat=392&First=0&Last=11&CurrentPage=0& (http://mhe.gov.sy/new/index.php?page=show&ex=2&dir=bars&lang=1&cat=392&First=0&Last=11&CurrentPage=0&)

إسراء
10-21-2010, 10:47 PM
إعلان

السادة الراغبون بالتسجيل على الاختبار الوطني للغات الأجنبية

(من خريجي الجامعات والمعاهد المتوسطة حصراً )
يبدأ التسجيل على الاختبار الذي سيجري يوم السبت الواقع في 6/11/2010، اعتباراً من يوم الأحد الواقع في 24/10/2010 ولغاية يوم الثلاثاء الواقع في 2/11/2010
من الساعة العاشرة والنصف صباحاً وحتى الساعة الواحدة والنصف ظهراً في كلية الآداب بجامعة حلب-الطابق الخامس - مكتب التنسيق للاختبار الوطني
علماً أن هناك مركز للتسجيل في كلية التربية بإدلب
عميد المعهد العالي للغات
الدكتور صالح الخطيب

إسراء
10-21-2010, 10:48 PM
إعلان
السادة الراغبون بالتسجيل على الاختبار الوطني للغات الأجنبية
(من خريجي الجامعات والمعاهد المتوسطة حصراً )
الأوراق المطلوبة لتسجيل المدنيين :
-الهوية الشخصية الحديثة
لمن فقد الهوية الشخصية :
- إخراج قيد ملصق عليه صورة ممهورة بختم الجهة التي أصدرت القيد وضبط الشرطة .
الأوراق المطلوبة للعسكريين :
- الهوية العسكرية مع إخراج قيد مدني ملصق عليه صورة ممهورة بختم الجهة التي أصدرت القيد
أما بالنسبة للعسكريين الذين لا يحملون هوية عسكرية :
- إخراج قيد عسكري مع صورة مختومة إضافةً إلى إخراج قيد مدني ملصق عليه صورة ممهورة بختم الجهة التي أصدرت القيد
إضافةً إلى :
- رسم التسجيل (300 ل.س) لجميع المتقدمين.
- صورة مصدقة عن آخر مؤهل علمي لجميع المتقدمين.
عميد المعهد العالي للغات
الدكتور صالح الخطيب
http://www.alepunivlang.net/mag/modules/content/index.php?id=96

إسراء
11-01-2010, 12:01 AM
السلام عليكم
يوجد لدى مكتبة رواد الجامعة بالفرقان أمام باب المدينة الجامعية الوحدة 16 نوطة تحوي أسئلة الامتحان للدورات الخمسة سنة 2009 و الدورات الثلاثة لهذه السنة مع الحل.
بالتوفيق.........

عبد الفتاح
11-20-2010, 10:12 AM
السلام عليكم ..


حدا بيعرف او سمع ايمتى رح تطلع النتائج ؟؟
عم طلع عالموقع وعم أدخل الرقم الوطني من فترة بس ما عم يطلع شي .. واستغربت لأني طولوا وهي أسئلة مؤتمتة المفروض فورا تخلص ..

نظمي قدورة
11-20-2010, 01:34 PM
السلام عليكم شباب
خبرونا شو أخبار التقديم إن شاء الله تمام .
بس أنا بعرف الشباب ما بنخاف عليهم أكيد الكل ناجح .

إسراء
11-22-2010, 03:50 PM
السلام عليكم
قبل قليل سمعت أن النتائج تعلقت بدون العلامة فقط ناجح أو راسب
إن شاء الله الكل ناجح

نور الزين
11-22-2010, 08:51 PM
السلام عليكم....

ما فهمت بالضبط من الجملة ....

إن شاء الله الكل ناجح

هل الجملة هي عبارة عن دعاء...أو جملة خبرية تفيد بالاطمئنان...؟؟!!..
...
..
عطونا شي رابط نشوف علاماتنا...!!؟؟..

المشكلة أنا هلأ لقرأت الخبر ومانزل شئ بموقع معهد تعليم اللغات.....والاحلى من هيك ما حدا خبّرني......الله يستر....
....

إسراء
11-22-2010, 11:52 PM
السلام عليكم....

ما فهمت بالضبط من الجملة ....


هل الجملة هي عبارة عن دعاء...أو جملة خبرية تفيد بالاطمئنان...؟؟!!..
...
..
عطونا شي رابط نشوف علاماتنا...!!؟؟..

المشكلة أنا هلأ لقرأت الخبر ومانزل شئ بموقع معهد تعليم اللغات.....والاحلى من هيك ما حدا خبّرني......الله يستر....
....

دعاء
لم أستطع الذهاب لرؤية النتائج قلت يمكن حدا يروح يشوفن
و أنا كمان جربت بموقع الإختبار الوطني ما في شي
(تأكدت من الخبر قبل ما أضيف المشاركة السابقة)

نور الزين
11-24-2010, 05:39 PM
السلام عليكم....

للطلاب الذين تخرجوا من الدورة الاساسية (دورة الفصل الثاني) ......

كما نعلم ان اخر يوم لتسليم طلبات التوظيف (للدورة الاساسية) في 1/12/2010 .......

وكما هو موضح بالاعلان بمعهد اللغات أن تسليم الوثائق في 1/12/2010 و 2/12/2010.....

هل من حل مقترح...؟؟!!..أو معلومة مفيدة من هنا أو هناك..؟.!!!..

زين العابدين السوري
11-24-2010, 08:08 PM
السلام عليكم :
في كلية الزراعة تم كتابة تعهدات خطية للتأكيد على تسليم الوثائق فور الحصول عليها ...
أتأكدوا إن كان هذا الحل جيد في كليتنا .. السعيدة .

نور الزين
11-25-2010, 12:08 AM
السلام عليكم....


السلام عليكم :
في كلية الزراعة تم كتابة تعهدات خطية للتأكيد على تسليم الوثائق فور الحصول عليها ...


وعليكم السلام.....

وأنا عم أقرأ هالخبر أجتني الضحكة...بتعرف ليش..؟؟!!....لأن هالحل حكينا فيو من 100 سنة مشان مشكلة الامتحان واخر موعد لتقديم الطلبات..... وفي ومافي واستنو وما بعرف شو....وبعديييين..؟؟؟.!!...بعد ما اعملنا الامتحان......معلش اكتبو تعهد......يعني من الاول قولو قدمو شرطي والسلام.........لأ عن جد شي بضحك.....

هي شغلة......

والشغلة التانية وهي الاهم.....


أسألي إن كان هذا الحل جيد في كليتنا .. السعيدة .

انتبهلي على أول كلمة (أسألي)..؟؟!!....

صديقي زين.........هي الكلمة للمفرد المؤنث......والياء يلي بالاخير هي ياء المؤنثة المخاطبة.......؟؟!!!!....

زين العابدين السوري
11-25-2010, 12:29 AM
حقك علي يا عمي نور الزين ..
خلص التوبة .. خطأ مطبعي مو أكتر .. سااامحني أرجووك ..
بالنسبة للخبر نعم هذا ما جرى رفضوا بالأول التقديم الشرطي و بعدها وافقوا لأنه ما ضل وقت ..!!

yasmeen
11-25-2010, 05:00 PM
؟؟!!..أو معلومة مفيدة من هنا أو هناك..؟.!!!..


عرفت من هنا و هناك انو في طلاب بغير كليات ( الطبوغرافية) استلمو وثيقة اللغة .. اليوم يعني اخدوها و وقعوها و صدقوها .. الخ , و حسب ما قالو انن بالمعهد عم يسلمو المهندسين بالاول مشان يلحقو التقديم (اخر يوم بالطبوغرافية لطلبات التوظيف هو يوم الاحد و كانو اخدين منن الاوراق شرطي من الاصل)..
هي المعلومة الي عرفتا يعني بظن اذا الواحد نزل عالمعهد وعمل حوصة بيقدر ياخد الشهادة ..والله أعلم

:sm85:الله يخلصنا من هالشغلة عالخير

نور الزين
11-29-2010, 01:48 AM
السلام عليكم....

عذراً ان جاء ردي متأخراً قليلاً.....

اليوم (الأحد) قمت باستلام وثيقة النجاح من معهد اللغات .....

لمن لم يسلتم وثيقته من خريجي الدورة الاساسية...... المسارعة لاستلامها للتسجيل على طلب التوظيف حتى اخر يوم وهو الاربعاء......

لا أتوقع ان يتم تمديد موعد استلام الطلبات عدة ايام اخرى....فنقلاً عن المكتب الطلابي ان الطلبات من المفترض ان تسلم الى الوزارة يوم الاربعاء.....

ادرسو الرغبات جيداً وتوكلو على الله.....

دعائي بالتوفيق...

عبد الفتاح
11-29-2010, 09:33 AM
دائما عم تذكر جملة "من طلاب الدورة الأساسية" ... يعني طلاب الدورة التكميلية ما بحقلهن يقدموا على التوظيف من الآن ؟؟؟

مهنّد
11-29-2010, 10:11 AM
دائما عم تذكر جملة "من طلاب الدورة الأساسية" ... يعني طلاب الدورة التكميلية ما بحقلهن يقدموا على التوظيف من الآن ؟؟؟
طلاب الدورة التكميلية مابحقلون يقدموا على التوظيف حالياً لأني قرار التخرج لسا ماطلع..
على كل حال انتظر شوي يمكن بعد شهر رح يبلش طلبات توظيفنا..

نور الزين
11-30-2010, 01:10 AM
السلام عليكم....


دائما عم تذكر جملة "من طلاب الدورة الأساسية" ... يعني طلاب الدورة التكميلية ما بحقلهن يقدموا على التوظيف من الآن ؟؟؟

متل ما قال مهند.....

ما بعرف اذا شفت طلب التوظيف ......أول حقلين لازم تكتب فيهون المعدل و ترتيبك بقرار التخرج.....وهالحقلين ما انت بتعبيهون .......الموظف بالمكتب الطلابي هو يلي بيكتب هالحقلين بعد ما يتأكد من قرار التخرج يلي عندو........
.....
وبما ان طلاب التكميلية لسا ما طلع قرار التخرج .....لذلك الطلب بيكون ناقص أهم حقلين.....وما بيقدرو يقدمو عالتوظيف...... هاد هو السبب....
....
..
يمكن لسا معكون فترة منيحة لتقديم الطلبات .....اتوقع حتى 15/1/2010...
....
......
يبدو الامتحانات بديت تشتغل ......فالحمد لله اليوم تعلقت مسودة القرار......وما بتوقع القرار يتأخر......يعني شغلة اسبوعين تلاتة.......

ومبروك للكل ...ولحج مهند الاسم الاول.....
...
......