المساعد الشخصي الرقمي

مشاهدة النسخة كاملة : افتتاح مرحلة الدكتوراه في هندسة الحاسبات بجامعـة حلب



Mido.Kat
01-23-2006, 07:20 PM
اصدر الدكتور هاني مرتضى وزير التعليم العالي قراراًبافتتاح مرحلة الدكتوراة في الهندسة المعلوماتية (هندسة الحاسبات) في كلية الهندسةالكهربائية والالكترونية بجامعة حلب بدءاً من العام الدراسي 2005- 2006. وأوضحالدكتور احمد قصي كيالي عميد كلية الهندسة الكهربائية ان جامعة حلب تمنح بناء علىطلب الكلية درجات دبلوم الدراسات العليا والماجستير والدكتوراه في هندسة نظم القدرةالكهربائية والآلات والقيادة الكهربائية والهندسة الالكترونية وهندسة التحكم الاليوالالكترونيات الصناعية وهندسة الاتصالات والهندسة المعلوماتية باالاضافة الى دبلومالتأهيل والتخصيص في صيانة تجهيزات نظم القدرة الكهربائية

تشرين


=============
الخبر جاء على أحد المواقع الالكترونية التي تعنى بمدينة حلب (فارس حلب)..


ولم أتأكد من الخبر بعد..:hsss: .. اللي عنده معلومات يحكيلنا

ReMe
01-23-2006, 08:12 PM
بحثت كثيراً في موقع جريدة تشرين عن خبر مشابه..ولم أجد:mabdy:
بكل الاحوال...إن شاء الله خير
:rolleyes:

emb
01-23-2006, 11:17 PM
اهلا بالجميع
اذا كان الخبر صحيح فهذه قمة المسخرة دكتوراة من جامعة حلب ياسلام و ياعيب الشوم عليون يلي بيسمعنا بيقول في تطور خلي اول الشي يهتمو بسنوات الدراسة العادية في الجامعة الي كلا مسخرة بمسخرة و بتخرج من هالجامعة متل ما دخلتا ما بتفهم بشي مناهج تعبانة و دكتارة من فهمانين شي و همن افشال الطلاب و عدم تقديم معلومة لهم هي اذا كان عندن معلومات بعدين الماجستير مسخرة اكتر بكتير من البكالوريوس كلها نظري و بصم و الكاترة مانون فهمانين شي بعدين الدكتوراه بدا الجامعة تكون قوية بالعملي مو متل جامعاتنا القوية بالنظري يلي من سنة جدي و بدا امكانيات مالية ضخمة و هي غير متوفرة و اذا توفرت رح تنسرق و تنشل كلها
فعلا نحن مو شاطرين الا بالقرارات الاعتباطية و العشوائية التي تودي الى السير خطوات للوراء بدلا من الامام و اظهار للعالم بأننا فعلنا سشيئا ما

Dr.No
01-24-2006, 12:04 AM
جامعة حلب و دكتوراه؟؟؟

لا و بإيش؟؟؟ هندسة الحاسبات؟؟؟

مالي مشتهي اضحك هلء....

ما بدنا نحكي على حدا....و لا بدنا نحكي عالمناهج....ولا عالمصايب يلي عنا....خصوصا بالحاسبات....

الكل بيعرف الحكي....

والصراحة.....اذا بكون هالشي مظبوط....بكون...

قمة السخافة.....

ReMe
01-24-2006, 12:36 AM
الحقيقة أن قمة السخافة..بل السخافة بحد ذاتها هي هذه الطريقة في النقد...:no:
الذي لا أعرف له وصف غير كلام فاضي.
بالنسبة لموضوع الدكتوراة فإن له مقاييس وشروط دولية يجب توفرها قبل أن تستطيع الجامعة منح هذه الشهادة((عدد الدكاترة مستواهم العلمي-البحث العلمي-المخابر........))
وتوفر هذه الشروط من شأنه أن يرفع من السوية العلمية لكل السنوات
وقوة للشهادة(( التي يبحث عنها البعض دون النظر للمعلومات))
وخصوصاً مع القانون الجديد الذي أكد على البحث العلمي وعلى التفرغ العلمي وماإلى ذلك
فلماذا كل ماأقدمنا على خطوة جيدة((وذلك بعيداً عن صحة الخبر أو خطأه)),لانجد من بعض الشباب للأسف إلا الــــ((سخافة))

......
بصراحة لاأعرف من أوحى لنا بأن التأفف وعدم الرضا نوع من أنواع (الفكاهة) أو طريقة لإصلاح المجتمع:ask_prv:

أنـس
01-24-2006, 12:49 AM
عزيزي emb وعزيزي DR NO السخرية في هكذا موقف...
بالعكس الموقف بيحتاج لوقفة ...

هلأ اذا كل شي بدنا نطالعلو أنو هو مسخرة مو بنوقف بمحلنا بنرجع لورا كمان ....

وعزيزي emb على حد علمي انك مانك من كليتنا فبأي حق تحكم على المناهج والعملي والنظري؟؟؟

ولا عينوك قيم على كلية الهندسة ...

لازم نتخلى شوي عن هاي النظرة ...

Dr.No
01-24-2006, 01:22 AM
خلص خيو تتنهوا.....

هنيئا لنا.....

ونحو الامام.....سيروا....وعين الله ترعاكم...

هلء الادمن بحذف المشاركة....وبئلك حرية راي...وجدية....!!!!

GateOfSalam
01-24-2006, 02:12 PM
يا سادة

حسب معلوماتي ان منح شهادة الدكتوراة ليس قرار يصدر عن وزير او رئيس جامعة او عميد كلية

هناك ضوابط عالمية تحدد ذلك

ومتى يحق لهذه الكلية او ذاك القسم منح اي شهادة على اي مستوى

فاعتقد افتتاح هذه المرحلة يعني ان هناك تطور ملحوظ تم بالقسم على كافة المستويات

حتى استطعنا الوصول لذلك

وهذا التطور لا استطيع انا ولا emb ولا غيره من الطلاب تحديده ايجابا او سلبا

لان هناك مختصين يقومون بذلك

وحتى المختصين انفسهم لا يقدرون ذلك اعتباطا بناء على اقوال او اراء

هناك كما ذكرت ضوابط واسس واضحة تحدد ذلك

emb
01-24-2006, 02:42 PM
اخي العزيز نورتون
انا من كليتك و متخرج من قسم الحاسبات و عملت ماجستير لكني تركت بعد شهرين لانو بالحقيقة الوضع فعلا مسخرة و اسوا من السنوات العادية بكثير و هذا هو الواقع فعلا و اقسم لك بأنني لاتحامل على احد اما الشروط التي ذكرها الاخوة لاعطاء شهادة الدكتوراه فهي غير متوفرة و انا متاكد انها لن تتوفر ابدا اذا بقي الوضع على حاله
بالنسبة لي لقد زرت و رايت جامعات في اوروبا باختصار استطيع ان اقول لك ان الهوة بيننا و بينهم عميقة الى ابعد الحدود و اظن ان الفرق بيننا و بينهم يتجاوز ال500 سنة نحن بصراحة نحتاج الى اعادة النظر في نظامنا التعليمي كله من الروضة الى الجامعة او بالاحرى تغيره باكمله

Dr.No
01-24-2006, 03:10 PM
يا شباب...

هلء خلينا نحكي بالعقل.....

بعيدا عن المسخرة .....و عن الحماسة كمان....

هلء متل ما عم يئولو الشباب.....انو لازم يكون في معايير و مقاييس لفتح مرحلة الدكتوراه.....
وانو لازم يكون في تطور ملحوظ بالقسم....
طيب خلينا ننظر اش صار تطورات بالقسم......
انا رح احكي عن نفس باعتباري سنة تانية و ائلكون اش حكوا الدكاترة نفسون عن الخطة الجديدة يلي عم تتطبق علينا.......واش الصعوبات يلي عم نواجها.....مع العلم انو الحكي نئال اكتر من مرة....

اولا:
بالنسبة لمادة الهندسة الالكترونية....عطانا ياها الدكتور جلال ترمانيني....
على حكي الدكتور....كانت المادة عبارة عن مادتين.....الكترونية 1 و الكترونية 2......
وكانت تعطى على ما بتذكر (اذا مخربط صححولي) 12 ساعة بالاسبوع.....بين نظري و عملي و مخبر....
اما الان....راح المخبر وراح العملي....وما بئي غير النظري يلي لا تجاوز 3 ساعات بالاسبوع...
وهي مادة تخصصية....
الدكتور نفسو اعترض على هالموضوع.....و استغرب هالشي...

تانيا:
مادة الدارات......عمر سرادار....
انا ما حضرت غير محاضرة وحدة كل الفصل...
لكن حسب ما حكولي الشباب بالقسم......انو كمان المادة كانت دارات 1 و دارات 2......صارت مادة وحدة...
ولحسن الحظ انو كان في عملي.....لكن الدكتور اخد محاضرات العملي كلياتا....لانو ما بئى يلحق...!!!
دون التطرق لطريقة التدريس و الاعطاء.....
وهي مادة اساسية....

تالتا:
مادة التحليل الرياضي 3.......ما بعرف مين هو الدكتور....
اجانا بعد 20 محاضرة......عطانا 7 محاضرات من المادة فقط.....
وئال الزلمة....انا مالي دكتور رياضيات....انا دكتور ميكانيك هندسي......مو مشكلة من هالناحية....كلو بيوصل لبعضو....
لكن هالماجة كمان....كلياتا عن تحويلات لابلاس و سلاسل ما بعرف منو هو......يعني كمان شغلات اساسية في جميع المواد المتعلقة بالكهرباء...

بكفي هيك....ما حاج....

وين التطور بالقسم؟؟
وين التقدم؟؟..

الا اذا كانتوا شايفين هالمصايب تطور!!!

هداك الوقت معكون حق تفرحوا عالدكتواره......

أنـس
01-24-2006, 05:47 PM
عزيزي أمير...

بس من مبدأ التصحيح لايوجد الا مادة دارات واحدة...
اش بدك تخرب بيتنا؟؟..

ريان
01-25-2006, 07:20 AM
خلص ياشباب الكم عندي بس اتخرج أعمل دكتوراه في مادة الكيميا
ومادة الستاتيك ومادة الدارات اللذيذة (المطعمة بالفراولة) والي عطانا ياها الدكتور بوقت قياسي
وبظن اذا هالحكي صحيح معناها الكلية فهمانة كلمة دكتوراه غلط
لأنو الدكتوراه بدها دكاترة تعطيها

وياقلتهم بالكلية للأسف الشديد

Mido.Kat
01-27-2006, 07:05 AM
يااااااااااااااااااااااااااااااااااااجماعة!

ليش نحنا هيك طبعنا؟!:box:

الأحكام وردود الأفعال عنا مافي أسهل من انو تطلع بسرعة الصاروخ.. يعني إذا سألنا السؤال التالي اللي سأله سلام: مين نحنا لحتى نحكم على هالخطوة أنها مسخرة أو لأ؟ وانو هالقرار اعتباطي أو عشوائي؟! ..بعتقد انو هالسؤال عقلاني جداً..

قصدي انو بالنسبة إلنا كطلاب أومهندسين.. لا نملك خبرة كافية بعد.. ولحتى نسهّل على حالنا الجواب على هيك قرارات منسأل انفسنا سؤالين متناقضين:

-- شو الفائدة اللي رح نجنيها اذا صار هيك قرار ؟

-- شو الأضرار اللي رح تلحقنا اذا ماصار هالقرار أو تأخر لفترة تانية؟


وبعدين بنقارن مابين الفوائد والأضرار ومنعطي حكم.. وبعتقد انو أبسط الناس (تفكيراً) رح يشوفوا الفوائد اكتر من الأضرار.


مثلاً ..المهندس و(طالب الماجستير) السيد emb .. من لحظات كنت عم اقرأ موضوع حاططوا بعنوان (القراءة عند العرب).. وبعد ماقرأت رده الأول هون تمنيت انو لو يكون في شي موضوع مكتوب بعنوان (الكتابة عند العرب) أو (الفهم عند العرب) أو (أسلوب التعبير عند العرب) رغم اني ضد انو ينشمل كل العرب ضمن موضوع .. لكن الشيء للشيء يُذكر .. :eda:

يعني انا بتفق مع emb بأغلب السلبيات اللي ذكرها وخاصة اننا متأخرون بحوالي 500 سنة .. لكني مابستغرب أبداً انو ولا شخص يتفق معه أو يقتنع بأي رد له.. لسبب بسيط جداً هو : انعدام الأسلوب النقدي..والنقد لمجرد النقد - واعذرني على الكلام التالي (بحكم أنك أكبر سناً مني) - بمعنى أنه لماذا لاتتفضل بطرح الحلول ؟ لماذا لا تناقش السلبيات بموضوعية؟ لماذا تهمل الايجابيات على الرغم من شحها؟ فهذا يقرّب عقل القارئ مما تريد قوله بدلاً من ان تجعل الدنيا كلها سوداء امامه.. فتنقل إليه داء العمى! .. ومتل ماقال النورتون ايمتى بدنا نتخلى عن هي النظرة.؟ فكيف السبيل أستاذي (المهندس) لتقليص الـ 500 سنة بدون خطوة كهذه؟حتى وإن لاقت صعوبات عسيرة في بداياتها فالكل يعرف بأنه لابد من وجود رصاصة بدء.


وبالنسبة لما قاله رامي.. فأتفق معه بأن وجود مرحلة دكتوراه في الكلية، يزيد الكلية شهرة ويزيد الشهادة منها قوة بغض النظر عن أي اعتبار آخر...


أما ماقاله Dr.No ورعب الليل فلا اعتقد ان الاسباب التي ذكروها هي أسباب مبررة.. فجميعنا مر بمثل هذه الظروف.. وجميعنا تعرض لمواد لذيذة (مطعمة بعدة نكهات ايضا).. فهي ليست حكراً عليكم .. وهي ليست نهاية العالم! بدكن تطولوا بالكن;)

emb
01-27-2006, 10:44 PM
اخي العزيز mido.kat
شكرا على ردك و بالعكس لم اتضايق من كلامك فالحوار يغني الجميع
جيد اننا اتفقنا على السلبيات و الهوة الكبيرة التي تفصلنا عن بقية العالمو لكن الاهم ان نعرف اين الخلل لنعمل على تصحيحه
براي الخلل الواضح بحسب راي الشخصي هو بعقليتنا و نمط تفكيرينا و مناهجنا المتاخرة جدا
الحل لايكون باتخاذ قرارات اعتباطية مثل انشاء الدكتوراه بل بالاصلاح من تحت اي من الصفوف الاولية
الناس في الغرب ليسوا عباقرة و ليسوا اذكى منا و الدليل النجاح الذي يحققه طلابنا عندهم لكن مناهجهم و نمط تعليمهم مدروس و علمي و مطبق حرفيا مثال على ذلك اي مواطن عندهم بجب ان ينال تعليمه حنى سن ال16 و الذي يخالف يتعرض هو و اهله للحبس اما عنا فالتعليم اجباري حتى الصف السادس و نسبة كبيرة من الطلاب يتسربون من المارس قبل الصف الثالث و الرابع ليس بسبب غلاء التعليم بل بسبب عقلية اهلهم الذين يظنون ان الدراسة غير مفيدة و ان العمل افضل لهم لكي يومنوا قوتهم بسبب انجابهم لكثير من الاولاد و عدم قدرتهم على الصرف عليهم وعندما تسالهم لماذا تنجبون الاطفال بكثرة يقولن لك العادات و الدين فالجهل بنخر بمجتمعاتنا نخرا و هنا اطالب ياتباع سياسة تحديد النسل كما فعلت الصين و تونس التي تساعد الاهل الذين يبلغ عدد اولادهم 3 او اقل و الذي بنجب اكثر يدفع ضرائب للدولة و اذا لاحظتو بان مساحة تونس اكبر بكثير من مساحة سوريا لكن عدد سكانها 10 ملايين اما عدد سكاننا فهو 20 مليون و هذه كارثة فحسب احصائيات الامم المتحدة للتكاثر سوريا كانت الاولى عام 2003 و لاسف لا اعرف عن 2004 و 2005 هذه واحدة من مشكلاتنا يا اخي العزيز فالحل يبدا من الصغر بتجديد المناهج و توعية الناس و ليس بقرارات عشوائية لنقول اننا عملنا شئيا هذه و احد من الامثلة و اتمنى ان اكن لا اطلت عليكم و اتمنى ان اتابع مع الحوار

غاردينيا
01-28-2006, 02:59 AM
أتمنى أن لا أكون ثقيلة الظل عليكم بردي في هذا الموضوع وأتمنى أن نراعي جميعا ان طريق المئة ميل يبدأ بخطوة وأننا اذا كنا سنقوم بالنظر الى الفرق بيننا وبين الدول المتقدمة ونجعل ذلك ينعكس علينا سلبا بقولنا أن هذه الخطوة او تلك لاتليق بنا سنجعل تلك الهوة والفجوة تزداد اتساعا بيننا ...
وأتمنى من الجميع أن يلاحظو التطور الحاصل في هذه الكلية والذي أعتقد أنه ليس ببسيط فمن كانوا قبلنا لم يشهدوا مخبر الاتصالات الذي دخلناه نحن وذلك رغم أنه قد طور منذ زمن وان الذين دخلوا الى مخبر الاسس القديم أمثالي سيلحظون الفرق الواضح ما بين المقاومات التي كانت توصل وحجمها كما هو منذ ايام الحرب الروسية وبين المقاومة الحديثة التي لاتصل الى حجم عقلة الاصبع ولن نبتعد كثيرا بتعريجنا على مخبر البرمجة فبينما كنا نجلس على الحاسب كل أربعة أفراد مجتمعين وقد يضطر البعض الى مشاهدة الآخرين اما لعدم وجود المتسع أو لتعطل الحاسب الخاص بمجموعته عدا عن المحاولات المستميتة من الطلبة الى الهجوم علهم يحصلون بفرصة التطبيق بشكل يدوي بدلا من النظر الى الآخرين وهو يطبقون.. أصبح لكل طالب حاسب خاص ورقم خاص عدا عن كون الأجهزة احدث من الأجهزة القابعة في منازلنا الخاصة و عند قراءتكم لردي بموضوعية سترون أن كليتنا تمشي وان كانت خطاها متثاقلة نحو مستقبل أفضل الا أن الوقوف بالمكان لن يكون حال أفضل من هذا
كما أننا لا نملك جني الفانوس الذي يمكن له أن يجعل من هذه الكلية بين لحظة وضاحاها مطمح الآمال و مسرة للناظرين لا ننسى أن الأفراد الجدد في الهيئة التدريسية والذين يحاولون بشكل كبير الى تطوير الكلية رغم وجود الرعيل الاول من الهيئة والذي يمتاز المعظم بقابلية فريدة على عرقلة مشاريع التنمية هم أيضا بشر قد يخطئوا أو يصيبوا ونرجو من الله أن تكون أهدافهم السديدة كفيلة بسد أخطائهم

ريان
01-29-2006, 02:43 AM
ياشباب ماشي خلونا واقعيين اكتر من هيك
الكلية متل مو ملاحظين عم تتطور فعلا بس بالشغلات التقنية فقط يعني بالمخابر والمعدات وو ....الخ وهاد شي رائع فعلا بس المفروض يكون في شي اسمو توازن بين التقدم في هالكلية
يعني خلونا نجي على ناحية الناهج منلاحظ بالاضافة لكون المواد قليلة وعدد ساعاتها قليل نلاحظ انو مافي اي خطة ماشيين عليها لإعطاء مفردات المادة فأي مادة ممكن تعطى على حسب هوى الدكتور وهو بيحذف منها على كيفو وبحط على كيفو كمادة الخوارزميات منلاحظ انو في السنة الماضية كان عم تعطى باسكال مع انو البرمجة كانو عم ياخدوها C++ وهالسنة صار بالعكس تماما فصار يعطينا الدكتور (الي هو عم يمشي المادة على هواه) في مادة الخوارزميان لغة السي بينما في البرمجة عم ناخد الباسكال
فالمفروض قبل مايبلشو الدكتوراه يحسنو المناهج بشكل واقعي وبشكل ملحوظ أكتر من هيك

يعني نحن مو معارضين الدكتوراه عنا بالكلية بس معارضين فكرة البدء من الكبير مع اهمال الاصغر

واخيرا بدي اسأل اي شخص فيكم سؤال ؟؟؟

اذا خيروك بين تاخد الدكتوراه بجامعة حلب ببلاش وبدون مصاريف
او تطلع لبرا (لأي دولة كانت ) وتاخد الدكتوراه

اذا حدا من الشباب جاوبني ومن كل قلبو انو بيفضل ياخد لدكتوراه هيك على وضعها الحالي من حلب
هداك الوقت رح افتخر بالدكتوراه من كليتنا الغالية


وشكرا الكم

أحمد توفيق وسوف
07-08-2011, 12:34 PM
أشكركم على هذا الموقع الرائد وأنا أبوس روح حلب http://www.alhasebat.net/vb/images/icons/icon7.gifوجامعة حلب:gr_922: وهي تحية حب كمان من جامعة تشرين/ قسم هندسة الاتصالات والالكترونيات/ السنة الرابعة