المساعد الشخصي الرقمي

مشاهدة النسخة كاملة : السادة الخريجين الأفاضل .. تعا لهون انت وياه !



ابو السوم
10-28-2006, 08:20 PM
مرحبا ياشباب ..

كيفكون ..

منور ماهيك ؟ أكيد منور طبعا ..:yakha:

ايه .. حبيت أحط هالموضوع لحتى اتطمن على شباب دفعة الحاسبات 14 .. اش صار فيهون .. وينكون ؟

مين سجل ماجستير مين ماسجل .. مين طلعلو مين ماطلعلو ..

وينكون ياشباب .. الله وكيلكون اشتقنالكون ..


ملاحظه : هلأ بيدخل رامي بيرد .. برجع أنا برد عليه بقلو مو قلت بس للخريجين .. بيرجع بيرد رد تاني .. خلينا نبلش بقى من الرد التاني ونتجاوز هالروتين :aaa:

عم امزح معك ابو الروم .. عقبال عند ولادك وعند كل مشتهي قادر ياكريم ..

خيو .. اعذرونا على هالموضوع بس فعلا حابب نرجع ننجمع سوا ولو بموضوع بمنتدانا ..

تحياتي

ReMe
10-29-2006, 12:37 AM
عندما دخلت إلى المنتدى....بعد وقت طويل من مروري السطحي على المواضيع..
فاجأني بين الاسماء لقب مألوف....عاد بي إلى ماض جميل
إلى أيام سوسة ومخمخ :man:
ولم أستطع رغم الاستفذاذ المقصود :pأن أمنع أزرار لوحة مفاتيحي الممسوحة لكثر ماكتبت من مقالات و أنتجت من مواضيع,,,((في ما مضى :yakha: )من أن تطبع أحرفها رداً أولاً في موضوع يعتبر التطفل فيه أقرب إلى الواجب
وطالما أني أراك جالساً (عم تفرفط بلح:D) في هذا القسم المهجور ...لم أجد محيداً عن مشاركتك في هذا العمل النبيل...
وبما أن الموضوع للم الشمل وفتح (الدفاتر العتق) خطر ببالي أن أسألك....
...((هيك ياعاطل بتروح ومابتدق تلفون...كتير تغيرت بعد الـــ@$%#$^$# :mabdy: )

والآن الكلمة لك وثم للشباب....حفاظاً على العادات والتقاليد!!!:tiho::tiho:

Mido.Kat
10-29-2006, 11:45 AM
---------------------------------------------------------
التوقيت: تلاته بعد نص ليل من بعد مباراة فرنسا وايطاليا
المكان: بيت عليان
-------------------------------------------------------

-- ميدو: ياشباب لازم نفيق بكير نشتغل بالأطروحة لأنو تسليمها بعد يومين وبدها شغل اكتر من عشر خمسطعش يوم ! :mad:

- ابو السوم: شقد الساعة هلأ ؟

-- ميدو: تلاته

- ابو السوم: ايمتى نعيّر الساعة ؟

-- عليان: سته :mabdy:


+ الشباب تمتموا: ايه شو عليه .. سته سته :tiho:

+ الشباب: :zzz:


-----------------------------------------------
التوقيت: الثامنة صباحاً من تاني يوم !
الشباب: :zzz:
---------------------------------------------
التوقيت: التاسعة صباحاً
الشباب: :zzz:
-----------------------------------------------
التوقيت: الايدعش صباحاً
الشباب: :zzz:
-----------------------------------------------
التوقيت: الايدعش ونص صباحاً
عليان باللهجة المعهودة: صبااااااااااااااااااااااااااح الخييييييييييييييييييييير :yakha:
-------------------------------------------------


================================================== =====

لك أهلين برجعتك ابو السوس .. معقول انت قاعد بالمهجر وخطرلك هيك تدخل عالمنتدى ؟ أكيد في إننننااا ...

طمني شلونا السعوديه ان شاء الله ماعم يعذبوك اخوانّا هناك؟

المهم .. الله يرحم هديك الأيام .. كل فترة وفترة بقعد بتفرج على صورنا مع شباب الدفعة على طول خمس سنين .. كيف كان منظرنا وكيف صار .. كيف تعرفنا على بعض .. كيف كانت قعدات الصراحة عندك اللي نستلم فيها كل دكتور وكل معيد مرء علينا ..

ومليون شغلة وشغلة .. ليش قليلة هي صورتك اللي حاططها وقت سحبك القطار ! :D و شفتك شايل .. و اذا عطى أدهش .. و هيّمتني ;) ..و الرهينة المصري .. وفليديو كليب والله مايسوى و فرشي التراب .. ومار تقلا ومار جرجس وابو صادق .. و ضروووووب ... قليلة ؟

بحب اطمنك انو كل الشغلات اللي عم توصيها لعليان بالرسالة عم تصير عالأربعو عشرين .. سألني إلي :aaa:

بالنسبة للماجستير مابعرف شو صار .. عاساس قال الموظف انو بعد العيد باسبوع اسبوعين بيبين القبول .. هيك على اساس .. بس اينا عيد الله اعلم !

ملاحظة لرامي: "استفذاذ" تُكتب هكذا: استفزاز

مية مرحبا

ابو السوم
10-29-2006, 12:23 PM
امممممممممممممم

استفذاذ .. " منيح شلقتني عليها ميدو " كنت ماني مشتلق .. هلأ اشتقلت .. :D

قوم فذذذذذذذذذذذذذ من هون انت وياه ..

المسكين ابو الروم صاير مو بس عم يحكي بالفصحى .. لأ وعم يقرط لثانو المثكين ..
" بعد زمان عن هالاستلامات "

قلتلك السبب ياصديقنا رامي .. انت ما انتبهت عالشباب لما ودعوني بالحفله .. لأنك كنت شايل الحفله ع كتافك .. على الرغم من توسع حدقتك في تلك الفتره .. ياحدئ ..

ايه خيو .. سؤال فني .. نحن اللي الامتحانات غضبانه علينا .. جماعة التكميليه .. طلع قرار تخرجنا ولا لسا ؟

والسؤال الأهم .. الآنسه المبروءه يلي بالامتحانات .. المسؤوله عن الخريجين .. طابت ان شاء الله ولسا لأ ؟

شلون رضاها عليكون ؟



هلأ ماقلتولي .. شقد الساعه ؟

طيب وايمتا بدنا نفيق ؟؟

خلص ..

:beby:
الأبو حميدين شلونن ؟

طمني اب بيش عم تشوفوه ؟؟ انشالله زادت أواصر صحبتو مع اب ساكو ؟؟ :p

أحمد عليّان
10-30-2006, 08:50 PM
اس ااس اس السلام عليكموووووووووووووووووووووووووو


بالله ما ذكرتكن بالماضي السحيق :d عم قول أنا ...

عن جد ايام وليالي لا تنسى ستبقى في البال

و انا لا اجد كلمات لاعبر بها عن مكونات الروح و خفايا الاحساس فدائما اشعر بأني اللاوعي عندي يدفع الانا الأعلى في منطقة الرأس الى حضن الذكريات فتنساب الدموع و تسكب العبرات و لا أدري هل أرى اصدقائي مرة أخرى أم لا أرى

بتعرفوا هالاستشعار هدا وليد اللحظة يعني اتركوني هلق فاتحلها ...

الشمس مشرقة و الافق طلق و السماء صافية و بحبك يا أهلي و بالطول بالعرض الاهلي هز الأرض

لحظة دقيقة اشبني اليوم أنا -- ما بعرف -- المهم حاسس حالي فايت شي بأربعتالاف حيط واحد بوجه التاني

خيو بعد شوي برجع برد بس اصحى لانو مو عرفان وين انا هلق

ابو السوم
01-04-2007, 09:02 PM
احم ..

قصيده عموديه نثريه .. بمناسبة المصالحه .. أو ماسميت بمبادرة السلام التي تدعو للمصالحه ..

المقدمه غزليه ، ومن ثم الدخول في صلب الموضوع ..

القصيده بعنوان : إلى متى ؟



ألا وقد عضنا الدهر بنابهي ..

ياليت شعري شلون خطرنا ببالهي ..


عملنا مصالحه مع الشباب ومامشي ..

حالن .. والهيئه بعمرو مارح يمشي ..


تزهرمو الكوكتيل حتى الاشباع ..

وجنبو الجبنه الطيبه وكلو ضاع ..

وقبلو البطاطا طيبه اصبع اصبااااع ..

حتى صرت أصيح : مااااااااااعععع


ودخلو عالمغسله واسعة الأبعاد ..

وسمعو قاموس شتائم جمهور الاتحاد ..


وتعرفو على براءات الاختراع ..

وتركو في المحل أجمل انطباع ..


ودخلنا بحارات بيت ابو الروووم ..

وماطلعنا الا بشكل غير مفهووووم ..


ألا وقد عضنا الدهر بنابهي ..

لله در الكوكتيل بعوجة الجب مابهي ..



متشكر ..

سلام
02-01-2007, 08:23 PM
مرحبا ياشباب انا خريج 2003 بس موقسم الحاسبات شلونكن ياجماعة وبحب ارحب في كل اعضاء المنتدى بس في سؤال للمشرف ما نزل التوقيع معي