المساعد الشخصي الرقمي

مشاهدة النسخة كاملة : الخطوات والأوراق اللازمة للانتساب لنقابة المهندسين والجمعية السكنية للمهندسين ...



أنـس
09-21-2008, 03:53 PM
السلام عليكم جميعاً خريجي دفعة ال2008 ...

متل ما بتعرفوا بعد التخرج والمصدقات والماجستير وهالقصص ...:architect:
بتجي قصة النقابة ..:gog:

فياسيدي وياستي رح احطلكون شو الأوراق وشو الخطوات اللي لازم تعملوها مشان ما تكونوا هونيك (طلطميس) :gr_892:...

الأوراق المطلوبة :

* صورة عن مصدقة التخرج (مصدقة أصولاً)
* صورة عن الهوية الشخصية (طرفي الهوية على صفحة واحدة كبيرة)
* لا حكم عليه (من الجنائية - خلف مشفى السلام)
* صور شخصية بقياسين (صورتين قياس 2*3 - 3 صور عادية)

بتروحوا مع الأغراض اللي قلنا عليهون وبتتوجهوا عالنقابة ...:riding:

أول شي بتفوتوا عغرفة أمين الصندوق , بتقولوا بدنا طابع نقابة ... سعروا 50 ليرة سورية
وبعدين بتاخدوا الطابع وبتلزقوه عصورة الهوية ...
بتروحوا عغرفة رئيس الفرع , بختملكون عالورقة وعوصل بيعطيكون ياه أمين الصندوق مع الطابع ..
بعدين بتتوجهوا عالديوان , بيعطيكون 3 أوراق مشان تملوهون وبيركزلكون الصور ...
بعدين عالمحاسبة , بتسجللكون المبلغ المستحق للدفع ...
بعدين عالصندوق مشان تدفعوا مبلغ (5250 ل.س) ...

هاي أول خطوة لهلأ ...:thumbsup:

بعدين بتتوجهوا عباب الفرج , عمبنى الأقطان - الطابق الثالث ... :jawdrop:

اش رح يصير هونيك , ما بعرف ...
بكرة بنروح وبعطيكون باقي التفاصيل ...:gr_899:

يتبع

SaHaR
09-22-2008, 12:10 AM
السلام عليكم..
أوراق التوظيف كمان طلعوا
بتاخدوا طلب من عند المكتب الطلابي..
وبعدين بتاخدوا أسماء الوزارات من عند عمو أبو صطيف..

أنـس
09-22-2008, 04:08 PM
هلأ جينا للخطوة التانية في الانتساب لنقابة المهندسين

لما خلصنا من دفع المصاري عند الصندوق , لازم تتوجهوا لباب الفرج ,
في مبنى خلف الساعة , اسمو مبنى الأقطان ...
بتطلعوا عالطابق الثالث الخاص بالنقابة ...

بتلاقوا فيه شعبة التقاعد ...

بتروحوا عالديوان , بتاخد منكون الأوراق وبتقطعلكون وصل بمبلغ 650 ليرة سورية ...
بتروحوا بتدفعوه بالصندوق وبترجعوا عالديوان
بتركزلكون الموظفة دفتر تقاعد ...

بتاخدوا اوراقكون عالنقابة , على الصندوق ليوقع على الأوراق اللي خلصتوها ...

بعدين بتتوجهوا على مدير الفرع ليوقع

بعدين على الاستاذ مازن مشان يحطلكون ياها عطرف ... وياخد 15 ليرة سورية ...

هيك بتكونوا خلصتوا من موضوع النقابة ... مبدأياً ...

بيطلع قرار التنسيب بعد حوالي 10 أيام , بسبب عطلة الفطر السعيد وكل سنة وانتو سالمين ...
أما موضوع الضمان الصحي والتدريب , فرح نحكي فيه بعدين ...

ملاحظة تانية : بتقدروا هلأ تنتسبوا للجمعية المعلوماتية السورية الموجودة بساحة العبارة ...
الأوراق :

مصدقة التخرج (صورة مصدقة)
صورة عن الهوية
صورتين شخصيات
100 ليرة سورية ...

موفقين جميعاً

SaHaR
09-24-2008, 02:11 AM
يعطيك العافية أنس
بس بدي أسألك سؤال صغير اش منستفيد من انتساب الجمعية ؟؟

أنـس
09-24-2008, 09:19 AM
يعطيك العافية أنس
بس بدي أسألك سؤال صغير اش منستفيد من انتساب الجمعية ؟؟

هلأ استفادة ماكتير كبيرة بس هيي معنوية أكتر منها بأي مجال آخر ...

بتاخدي تخفيض عالدورات اللي بتعملهون الجمعية
بتاخدي أفضلية بالمؤتمرات والمعارض اللي بتعملهون الجمعية

القصة هيي , أنو انتي اللي رح تفيدي الجمعية !!!
بتصير عندك شبكة جديدة من المعارف بالمجال التقني برأيي ...

الموضوع بيرجع للشخص على كل حال ...

خبرونا حدا سجل بالنقابة ولا لسا؟

SaHaR
09-24-2008, 01:39 PM
لأ لسه ما سجلنا..
قال رح يطلبوا اسم الكلية والفرع باللانكليزي
نحن آخر شي اش صار اسم فرعنا..حواسيب حاسبات..معلوماتية..؟؟؟؟؟
أنس انت اش كتبت..؟؟

أنـس
09-24-2008, 04:28 PM
اسم الفرع والاختصاص بالانكليزي مشان الهوية النقابية ...

الكلية اسمها : الهندسة الالكترونية
الاختصاص : هندسة الحاسبات ...

هيك بالضبط حسب المصدقة !!!

أما بالانكليزي :
Electronic Engineering
Computer Engineering

SaHaR
09-25-2008, 02:48 PM
التوظيف في احتمال انه يشمل خريجي التكميلية
بس لسه ما بين معهم,مشان يلي بحب يسأل عن الموضوع
و آخر يوم لاستقبال طلبات الوظيف
25 -10-2008
بالتوفيق..

محمد نور
09-25-2008, 10:02 PM
التوظيف في احتمال انه يشمل خريجي التكميلية
بس لسه ما بين معهم,مشان يلي بحب يسأل عن الموضوع
و آخر يوم لاستقبال طلبات الوظيف
25 -10-2008
بالتوفيق..

طيب ممكن نعرف هالخبر جبتيه منين ؟

يعني شو هو الهدف من ورا هالموضوع ؟

و اذا بدنا نعرف حول هالموضوع كيف فينا نعرف؟

و مشكورة انتي و أنس على هالأخبار الحلوة و التغطية الميدانية يوم بيوم

SaHaR
09-26-2008, 03:57 AM
والله سألت المكتب الطلابي
قلتله التكميلية بيحسنوا يقدموا معنا,
قلي انو يمكن أي ,بس لسه ما تأكدوا ,يعني عم يفكروا بالموضوع..
بس مين عم يفكر ما بعرف..
قلت بخبركم..عن الشي يلي سمعته..
مشان يلي بحب من خريجي التكميلية يقدم عل التوظيف..

أنـس
10-12-2008, 07:52 PM
خطوة اليوم : البطاقة الشخصية للاستفادة من نادي وندوة المهندسين وتعتبر كإثبات مهندس لحين ما تطلع البطاقة النقابية (رح تطلع بعد سنة ونصف من التسجيل) ...

صورة عادية ...

تؤخذ للديوان , يكتب خلفها الاسم الكامل مع الاختصاص والرقم النقابي وتوقيع موظفة الديوان ...
من ثم تتوجه للغرفة المقابلة لغرفة رئيس الفرع + 50 ليرة سورية ...

بتستلم البطاقة بعد ربع ساعة :) ...

أنـس
10-12-2008, 08:01 PM
كلنا بنعرف أنو المهندس بيحقلوا الانتساب لجمعية المهندسين السكنية التعاونية والاستفادة من السكن والاصطياف ...

في خطوات لهل العمل وهنن كالتالي :

طبعاً , أول شرط أنك تكون مهندس مسجل بالنقابة ...
ثاني شرط , ألّا تكون مسجل بأي جمعية تعاونية سكنية أخرى !!!!

تتوجه لمبنى الأقطان الموجود قرب ساعة باب الفرج , مقابل فندق فينيسيا , الطابق الثالث ...

تتوجه للموظف الخاص , تعطيه هويتك ويملأ بياناتك بـورقتين , إحداهما تعاونية والأخرى نقابية ...


الورقة النقابية , تتوجه للنقابة ...
لصندوق النقابة , تشتري طابع بقيمة (50) ليرة سورية ومن ثم إلى الديوان ليملأ المعلومات ...
ومن ثم لرئيس الفرع ليقوم بالتوقيع ...

التعاونية يجب أن تذهب إلى مبنى الخدمات الموجود جانب جامع الغزالي - الشهباء الجديدة , الطابق الثاني , غرفة السكن التعاوني ... تختم وتوقّع ...
ومن ثمّ تتوجه للسبع بحرات للمبنى العقاري وللطابق الثالث ... تملأ الوثيقة بطوابع بقيمة (170) ليرة سورية (عاليسار بالصدر) ومن ثم تتوجه لغرفة (لم أعد أذكر أي غرفة) ويأخذ الوثيقة ليتأكد أن الاسم غير مشترك في أي جمعية تعاونية ... تعود في اليوم التالي ...

يتبع !!

أنـس
10-13-2008, 03:08 PM
بعد ما تركنا أوراقنا بالغرفة 217 بالسجل العقاري , لازم نستلمهون في اليوم التالي ...

بتروحوا مع الورقة الصغيرة اللي عطاكون ياها الموظف وبتستلموا الطلب مختوم بأنوا انتوا غير مستفيدين من جمعيات سكنية أخرى ...

بعدين بتتوجهوا على السجل المؤقت واللي هو على بعد 3 بنايات على اليسار , ط3 ...
بتقطعوا وصل من الصندوق بقيمة (55) ليرة سورية ...

بعدين بتنزلوا طابق على الديوان , بتجيبوا طابعين : طابع مالي 10 ليرة سوري وطابع هلال أحمر (بتقدروا تاخدوه من هونيك) وبعدين على الموظف ليسجل المعلومات ويختم ...
بعدين بتتوجهوا على نائب المدير (الغرفة المقابلة) بيوقع وبعدين على الكمبيوتر (آخر غرفة على اليمين) ... بيسجل المعلومات وبترجعوا على نائب المدير ليختم ويوقع مرة تانية ...

هيك بتكونوا خلصتوا من السجل العقاري والمؤقت ...

بعدين بترجعوا على مقر الجمعية بمبنى الأقطان ط3 ...

بتعطوه الورقتين , العقارية والنقابية ...
وصورة عن الهوية ...

وبتقطعوا وصل بقيمة (7500) ليرة سورية ...
بتدفعوا (7500 + 50 طوابع) ل.س

بعدين بيتم تسجيل الطلب وبعد شهر استلام الدفتر والبيت بعد 20 سنة إذا الله خلانا من الطيبين ...

هاي آخر مستجدات الأوراق الهندسية لهلأ ...

Aya
10-13-2009, 12:49 PM
اليوم نزلت ع النقابة وسجلت ...

شكرا كتيييييييييير أنس ع هالموضوع ...كتير فادني

طبعته ومشيت ...وصرت اتبعه ..:thumbsup::thumbsup:


-----
بس مشان دفعتنا ....بالنسبة للدفع بتفرق حسب المواليد ..بين ال 5500 وال 7000

يعني بهالحدود ...


بتمنالكم تسجيل ميسر :juggle:

kaka2000
10-14-2009, 10:24 AM
لا مابتفرق كل هاد ...انا موالديدي 85 دفعت 5575 +650 عند مؤسسة الاقطان
وكل زاد العمر بيزيد الدفع ...يعني 84 رح يدفع اكتر منهيك ....

رغَـــد
02-21-2011, 08:04 PM
يسلمو عالموضوع ..
بس قرأته متأخر بعد ماسجلت ..

يالله يلي ما سجّل يستفيد منه .. كتير مفيد ..
مع تعديل بسيط زيادة شوي عن المبلغ المذكور .

نور الزين
02-21-2011, 10:48 PM
فعلاً هالوضوع كتير مفيد........

انا أخدت نسخة من الموضوع على الموبايل.....ومشيت عليه خطوة بخطوة.......والحمد لله ماصادفت مشاكل.......

بس في شغلة وحدة متغيرة بالموضوع........وهي......

بالنسبة للانتساب للجمعية التعاونية السكنية (بعد التسجيل بالنقابة)........


التعاونية يجب أن تذهب إلى مبنى الخدمات الموجود جانب جامع الغزالي - الشهباء الجديدة , الطابق الثاني , غرفة السكن التعاوني ... تختم وتوقّع ...

هلأ تم نقل المكان .......للزهراء بحلب الجديدة......بجنب الجسر.....
...
......
و بالنسبة للرسوم في زيادة بسيطة عن قبل ........وما عدا ذلك........مافي شئ متغير..........
...
......

نظمي قدورة
02-23-2011, 07:53 AM
أنا قرأت أوّل واحد ولسعتني ما سجلت .

نظمي قدورة
04-21-2011, 06:44 AM
السلام عليكم
باركونا اليوم سجلت بالنقابة ومشي الحال
واتبعت نفس الخطوات

Razoon
09-06-2011, 04:18 PM
أووووووووووووف عشرين سنة شو صاير بالدنيا؟؟؟؟؟؟
طيب سؤال بس؟ شلون بعدين أثناء العشرين سنة الدفع؟ يعني لازم المسجل يكون موظف وبقطعو من راتبو ولا شو؟

mazen syrian arab
09-07-2011, 12:05 PM
أووووووووووووف عشرين سنة شو صاير بالدنيا؟؟؟؟؟؟
طيب سؤال بس؟ شلون بعدين أثناء العشرين سنة الدفع؟ يعني لازم المسجل يكون موظف وبقطعو من راتبو ولا شو؟

ما في عشرين سنة ولاشيء.....بس زميلنا نظمي كان شوي متقاعس....أنا بعرف زملاء صاروا أعضاء من أشهر...

وبالنسبة للإشتراك حسب معرفتي إنّو لازم كل سنة يدفع إشتراكات تقدر بـ 6000 ليرة سورية....و أعتقد أن ذلك مستقل

عن كونه موظف ....لأنه قد يكون موظف عند جهة خاصة....وهذا لايعفيه من الرسوم...